Archive for the 'Informacion' Category

Ruta circular de Neda 'PRG-16'

Setembro 14th, 2008

Distancia total: 20 km aprox.6 horasNivel de dificultade: media en xeral, ten tres costas de certa importancia. É realizable en bicicleta de montaña -desnivel: 410 m.

Saída-chegada: Casa das Palmeiras de Neda.

Sinalización: marcas brancas e amarelas en todo o percorrido, ademáis de carteis metálicos nos cruzamentos importantes.

Época ideal: primavera ou outono, ten zonas húmidas. Si se pode, facer coincidir a posta de sol no Coto de Ancos

Onde comer: Casa Amador, Casa Falcón, Casa Ferreiro. O pan de Neda ten distinción de calidade, hai múltiples panadarías.

Edificios notábeis: casco histórico de Neda, Pazo Isabel II, Igrexa dos Remedios, Cruceiro dos Galanos, Castros de Viladonelle e Ancos.

Lugares naturais: Couce do río Belelle, Fervenza, Coto de Ancos.

O sendeiro comeza no centro da Vila, na Casa das Palmeiras, fronte ó Concello, na parada de Taxis. Remóntase cara ó Pavillón Polideportivo e máis adiante, á esquerda, en dirección a Os Pazos. Subindo, a ruta leva ó lugar e fonte da Rabadeña, na ladeira do Monte Marraxón (333 mts). Aquí hai un dos dólmenes catalogados que ten o Concello. Dende o cumio divísanse as rías e parte da Costa da Morte.

Continue Reading »

Camiño circular polo Marraxón

Setembro 14th, 2008

Saída da Casa das Palmeiras 00:00) subimos por unha pista asfaltada ata o Pavillón. Tempo: 5 minutos 00:05Se seguimos recto polo asfalto , deixamos un cruzamento á esquerda que vai aos Pazos, e subindo á esquerda polo segundo, de seguida á dereita, chegamos á Fábrica do Monte. Tempo: 10 minutos 00:15

Unha vez situados na Fábrica do Monte, viramos á esquerda, deixamos o asfalto e collendo un camiñofondo de monte; seguimos ata chegar a un camiño de terra que sube. Tempo: 5 minutos 00:20

Virando á esquerda, subimos ata chegar de novo ó asfalto -A Rabadeña, nun tempo de 15 minutos 00:35, onde collemos á dereita. Logo de 10 minutos 00:45, deixamos o asfalto por un camiño de monte que sube pola esquerda.

O noso camiño lévanos dende A Rabadeña ata O Coto. Podemos apreciar vistas preciosas da boca da Ría de Ferrol -Ares, Mugardos, Pontedeume-; así como tamén dos estaleiros e da ponte das Pías, que divide os Concellos de Fene e Ferrol. Tempo: 20 minutos 01:05

Continue Reading »

VISITA A UN MUIÑO DE AUGA

Setembro 13th, 2008

Visitaremos un antigo muiño de auga. Este tipo de «industrias» tiveron unha vital relevancia no desenvolvemento económico da posguerra.A base do cobro do cánon que consistía nunha porción de gran ou de fariña (a maquía), o muñeiro culminaba un proceso que se iniciaba co traballo da terra, a sementeira, recolección e a malla. E nesa transformación do gran (millo, centeo e trigo) empregábase unicamente a enerxía hidráulica que movía as pesadas pedras do muiño.

Visitaremos nesta ruta o Muiño do Corgo, situado na parroquia de Vilapoupre.

Sistema recomendable: En bicicleta ou a pe (a meirande parte do percorrido vai ser por carreteras ou camiños asfaltados)

Punto de partida: Pza. do Concello de Antas de Ulla

Distancia aproximada (ida e volta): 9 Km

Cobertura telefónica: boa con tódolos operadores, salvo determinados tramos moi puntuais.

Partiremos da Praza do Concello de Antas, con dirección Norte, pola rua do Xeneral Portomeñe (carretera de Alvidrón). Alonxados das últimas casas da vila, con non máis de 0,7 Km percorridos adentrámonos no lugar coñecido como «Campo das Antas»; de vexetación frondosa e abundante, que nos acompañará en boa parte do noso percorrido.

Seguiremos pola mesma via, deixando á nosa esquerda o desvío para Cervela no Km 1,7 e 100 metros máis adiante será o de Vilapoupre o que deixaremos á nosa dereita.

Descendemos a pronunciada pendente ata que, cando ésta remata, tomamos o desvío á dereita con dirección a Mancegar (Km 2,4). Polo estreito camiño asfaltado chegamos en pouco máis de 400 metros ás primeiras casas da aldea. Entre elas tomaremos primeiro á esquerda e logo á dereita para adentrarnos na aldea. No Km 3, perto dun pequeno regueiro, continuaremos á dereita, alonxándonos de Mancegar para chegar ó lugar de Alvidrón de Outeiro (Km 3,5), que a pesares de asumir o nome de Alvidrón, pertence á parroquia de Vilapoupre.

Continue Reading »

SUBIDA Ó MONTE FARELO

Setembro 13th, 2008

Sistema recomendable: ainda que se pode facer perfectamente a pe, neste caso ímola describir pensando en facela en bicicleta.
Mellor se é de montaña, ainda que se é de paseo, tamén pode valer.
Punto de partida: Praza do Concello de Antas de Ulla.
Punto de destino: Mirador na cima do Monte Farelo.
Tempo estimado (ida e volta) :1 hora e 55 minutos.
Distancia aproximada: 21,8 Km (12,4 para a ida e 9,4 para o regreso.)Cobertura telefónica: Movistar (aceptable). Vodafone (aceptable). Orange (aceptable).
Tendo en conta que se trata de subir a un monte, ainda que se transitará por carreteras e pistas asfaltadas na maior parte do percorrido, quedará claro ó lector que se trata dunha ruta que precisa dun esforzo medio-alto. En todo caso paga a pena pola diversidade de monumentos e de vexetación que imos atopar. E se o facemos con calma -como se deben facer as cousas- ocuparemos de xeito excelente unha mañán.
Partimos da vila de Antas pola N-640 con dirección a Pontevedra. Ó pouquiño de deixar as últimas casas de Antas ,con un Km percorrido, á nosa esquerda veremos o magnífico Pazo de Vilane. Pouco despois chegaremos ó lugar de Castro de Amarante(Km 2,5) (berce dos Condes do mesmo nome), onde nos desviaremos á esquerda para subir polo medio da aldea, por onde nos guiarán as balizas de sinalización , podendo visitar a sua magnífica Igrexa sin apenas desviarnos da ruta. Dende alí pódese observar tamén a Fortaleza de Amarante.

Continue Reading »

Ruta do Curro de Candaoso

Setembro 13th, 2008

Partimos das casas do lugar de Castiñeiras, na parroquia de Santo Andrés de Boimente, subindo pola pista asfaltada ó redor de 100 m.Seguimos entón a baixada do camiño, para volver a subir, introducímomos pouco a pouco na Fraga do Buio, 60 hectáreas de bosque de variadas especies autóctonas. Continuarémo-la pista de subida ata alcanza-lo noso destino o Curro de Candaoso, lugar onde se celebra a famosa rapa das bestas, o primeiro domingo de xullo, agás que o día un coincida en domingo, nese caso celébrase o segundo domingo.

Esta festa celébrase en moitos lugares de Galicia desde xuño ata os primeiros de agosto e nace dun traballo que consiste en corta-las crinas e marca-los cabalos que viven nos montes dos arredores de forma semi salvaxe.

 

Continue Reading »

Ruta do Monte Castelo

Setembro 13th, 2008

Pola estrada C-640 dirección Lugo, á altura da Arredoada, collemos un camiño á dereita que nos leva por unha pista forestal ata o monte Castelo, situado a 340 m de altitude. Un pouco antes de chegar ó cume hai un miradoiro desde onde se divisa o val de Landrove e Galdo coa cidade de Viveiro ó fondo. No cume do monte desde unha área recreativa (de fermosas formacións de rochas) pódese divisar Bravos e os 15 outeiros que rodean o val. No alto está situada a ermida en honor a San Martiño que posúe unha romaría entre a última quincena de maio e a primeira de xuño de grande tradición porque a xente considera a auga da chuvia, que permanece nas rochas erosionadas ó pé da ermida, dotada de propiedades curativas para enfermidades relacionadas coa vista e o oído.

 

Continue Reading »

Ruta do Pozo da Ferida

Setembro 13th, 2008

A ruta parte de Valado (Valcarría), subindo por un sendeiro amplo. Despois de camiñar un quilómetro, aproximadamente, encontramos un cruce ó pé do cal encontramos unha cruz que sinala a antiga existencia dun pequeno cemiterio, (onde enterraban os «anxiños», nenos que nacían mortos). Deixando a cruz á nosa esquerda, seguímo-lo camiño todo recto ata alcanzar unha ponte (ponte do Xudreiro).Chegados a este punto xa teremos camiñado unha hora e trinta minutos aproximadamente e podemos aproveita-la ponte para facer un pequeno descanso. Continuámo-la marcha seguindo o sendeiro de subida, sempre recto, deixando ó noso paso varias desviacións, ata alcanzar unha serie de casas onde se encontra a primeira sinalización que nos indica o camiño de baixada (cada vez máis empinado), cara ó Pozo da Ferida, magnífica fervenza de máis de 30 m de altura, no medio dun entorno naturalmente virxe.

Continue Reading »

Ruta do Souto da Retorta

Setembro 13th, 2008

Esta ruta parte de Chavín (fábrica de Hidrofersa). O sendeiro vai desde un frondoso bosque e un lado do río Landro. A uns 200 m aproximadamente co primeiro que nos encontramos son dous eucaliptos, aínda que non son os máis grandiosos (2 m de diámetro). Seguímo-lo sendeiro, e ó chegar ó cruce de camiños, tomámo-lo da dereita, que nos conduce directamente ós eucaliptos máis grandes. Os exemplares máis altos pasan dos 80 m e un deles ten un diámetro superior a 2,50 m (necesítanse seis persoas para abrazalo).Retomámo-lo sendeiro cara a antiga central hidroeléctrica; comeza aquí o cacho do camiño máis dificultoso, pasando o camiño (moi estreito) polo borde do candil (que dá lugar á fervenza artificial). A uns 800 m debémonos parar para admira-la suntuosa Pena da Vella, pedra de grandes dimensións suxeita por un ferro curvado. Contan as xentes do lugar que a pedra foi dinamitada para que chegase ó río e formara así a presa, pero non chegou a alcanzalo e quedou a uns poucos metros, onde se encontra agora. Seguimos camiñando 500 ou 600 m ata encontra-la abertura da presa, onde ó saí-la auga forma un espectacular salto coñecido como o Salto do Can.

 

Continue Reading »

Ruta de San Roque e dona Urraca

Setembro 13th, 2008

Esta ruta parte da praza de Juan Donapetry (Pontelabrada), seguindo a estrada de Campo de Verdes ata chegar ó sendeiro que leva ás Cortes de dona Urraca, sen deixar de pasar pola fonte pública do mesmo nome. Debemos seguir entón o camiño por diante da casa de dona Urraca ata alcanzar novamente a estrada que leva a San Roque.Cruzándoa encontramos de fronte o último treito do camiño que conduce directamente ó sementeiro de flora e fauna de San Roque. Chegados a este punto divisaremos a estrada ata o noso destino: o miradoiro de San Roque. Desde alí podemos chegar ata o Penedo do Galo, onde apreciamos unha panorámica diferente dos outros miradoiros da localidade como o monte Castelo.

Continue Reading »

Ruta de Monte Faro

Setembro 13th, 2008

Seguindo a estrada que nos leva á praia de Area e á igrexa de Faro, podemos chegar ó monte Faro, onde encontramos un miradoiro desde o cal se divisa a entrada da ría de Viveiro, nel encontrámo-las ruínas dun antigo castro celta. Conta a lenda que ó lado deste monte estivo o lago de Carracedo e baixo as súas augas estarían, segundo din as xentes, os restos dunha vila do alto medievo que se coñece co nome de Arena ou Estabañón, as campás da vila óense repicar o día de S. Xoán.

 

Continue Reading »

« Prev - Next »